ع الحروكروك
من اكتر الكلمات اللى بنستخدمها كلنا كل يوم وكل شوية فى حياتنا
مثلا عملت أيه ف الامتحان ؟؟ الحمد لله نجحت بس ع الحروكروك
وصلت أمتى ؟؟ يدوب وصلت ع الحروكروك.
الفلوس كفتك؟؟ أيوه بس ع الحروكروك.
وغيرها وغيرها كتير ع الحروكروك، طيب أيه سر الحروكروك ده ومعناها إيه.
ببساطة الحروكروك هو جزء فى الحصان !!! وتحديدا الجزء الموجود فى نهاية رقبة الحصان من الأعلى مع جسم الحصان.
وديه نقطة صعبة يعنى ببساطة إستحالة الركوب لأن الراكب بسهولة هيقع، وكمان النقطة ديه بتمنع الحصان إنه يتحرك وهى ديه ببساطه الحروكروك.
