0
39

عاطف أشهر طفل فى السينما المصرية أين أختفي

 

،طبعا احنا عارفين عاطف الطفل اللمض بفيلم الحفيد، مع الفنان القدير عبد المنعم مدبولى وكريمة مختار، واخو ميرفت أمين وناهد جبر.

 

عاطف فى الفترة ديه كان واحد من اشهر اطفال السينما المصرية عموما إن لم يكن أشهرهم.

طيب عاطف ده يبقى مين وأختفى فين الفترة ديه، وأسمه الحقيقي إيه، تعالى نعرف القصة والحكاية.

هو دلوقتي بس بعد ما بقى عنده 55 سنة، وأسمه الحقيقي مدحت جمال و عنده 4 أولاد وبنات الكبيرة فيهم انسة 24 سنة واصغرهم أولاده ولد عنده 7 سنين.

مدحت بدأ حياته ومشواره مه الفن بدور فى مسرحية موسيقى فى الحى الشرقى، مع سمير غانم والفنان جورج سيدهم، وكانوا ساعتها طالبين أطفال تشارك فى المسرحية من خلال مسابقة مسابقة، وعشان عاطف او مدحت كان لمض ومحبوب ومميز وصل بالفع للتصفية النهائية ووقع عليه الاختيار مع  8 أطفال أخرين عشان يشاركوا فى المسرحية.

خلال أداء دوره فى المسرحية، بدأت الافلام تيجى لمدحت، وأشتغل فى أكتر من عمل واكتر من فيلم، و دخل تانية ثانوى، إكتشف ساعتها عاطف إنه مش عارف يوفق بين الاتنين الدراسة والتمثيل، عشان كده ساب التمثيل، وبدء يركز فى دراسته لانه كان حلمه يكون دكتور بعد ما يدخل الطب.

لكن مجموعه فرق معاه ومقدرش يجيب مجموع كلية الطب، وفرقت معاه على درجات بسيطة.

ودخل كلية التجارة، وقعد 4 سنين ولما خلص سافر لأمريكا، وهناك بدء فى دراسة علوم الكمبيوتر، وراح الكويت اشتغل فترة طويلة.
وحاليا رجع مصر ماشى فى مسيرته المهنية استشارى ومهندس برمجيات.

LEAVE A REPLY

Please enter your comment!
Please enter your name here